обзоры автоновинок kaps4karing.com
село ремонтное

01.08.2019

    პროექტ "ახალი ტფილისის" მსხვილი არეალების რეაბილიტაციის პროგრამის ფარგლებში, მალე ზაარბრიუკენის ხიდის ქვეშ არსებული თაღების რეაბილიტაცია და ახალი განათების სისტემის მოწყობა დაიწყება. სამუშაოების განსახორციელებლად ხიდთან ტივის პლატფორმა ეწყობა.

30.07.2019

    თბილისის განვითარების ფონდის ინიციატივით, დედაენისა და 9 მარტის ბაღების, მშრალი და ზაარბრიუკენის ხიდების რეაბილიტაციის პროცესთან დაკავშირებით, პროფესიულ წრეებთან შეხვედრა გაიმართა. შეხვედრის მიზანი იყო ინფორმაციის მიწოდება, დენდროლოგიური პროექტთან დაკავშირებით პოზიციების შეჯერება და სამომავლო თანამშრომლობის განვითარება.

09.07.2019

    თბილისის განვითარების ფონდის ხელმძღვანელის ალექსანდრე ტოგონიძის ინიციატივით, გუდიაშვილის მოედანზე პროფესიულ წრეებთან სამუშაო შეხვედრა გაიმართა. შეხვედრის მიზანი იყო თბილისის ისტორიული ნაწილის სარეაბილიტაციო საკითხებთან დაკავშირებით პოზიციების შეჯერება და სამომავლო თანამშრომლობის განვითარება. ალექსანდრე ტოგონიძის თქმით, შეხვედრაზე დედაქალაქის წინაშე ამ მიმართულებით არსებული გამოწვევები განიხილეს.

03.07.2019

    თბილისის განვითარების ფონდმა პროექტ "ახალი ტფილისის" ისტორიული ძეგლების რეაბილიტაციის პროგრამის ფარგლებში დარეჯანის სასახლის სამონასტრო კომპლექსის რეაბილიტაცია-რესტავრაცია დაიწყო. სამუშაოებს დედაქალაქის მერი კახა კალაძე ადგილზე გაეცნო. მისი თქმით, მოწესრიგდება ეზო, გამაგრდება გალავანი და აღდგება ერეკლეს აბანო. „პრობლემას წარმოადგენდა ის, რომ ფაქტობრივად იშლება გალავანი, რომელსაც აზიანებს მიწისქვეშა წყლები. რეაბილიტაციის ფარგლებში, ასევე, აღდგება ერეკლეს აბანო და გამაგრდება ეზოში არსებული ტაძარი.

03.06.2019

    როექტ „ახალი ტფილისის“ მსხვილი არეალების რეაბილიტაციის პროგრამის ფარგლებში, ორბელიანის მოედნის რეაბილიტაცია დასრულდა. რეაბილიტაცია 2017 წლის ივნისიდან დაიწყო და სამუშაოებს ჯამში, ორი წელი დასჭირდა.

ორბელიანის მოედნისა და მიმდებარე ქუჩების გახსნის ღონისძიებას თბილისის მერი კახა კალაძე, საქართველოს პრეზიდენტი სალომე ზურაბიშვილი, პრემიერ-მინისტრი მამუკა ბახტაძე, პარლამენტის თავმჯდომარე ირაკლი კობახიძე, საკრებულოს თავმჯდომარე გიორგი ტყემალაძე დაესწრნენ და შეკრებილ საზოგადოებას სიტყვით მიმართეს.

15.03.2019

    თბილისის განვითარების ფონდი მშრალი ხიდისა და ზაარბრიუკენის ხიდების, 9 მარტისა და დედაენის ბაღების სარეაბილიტაციო სამუშაოებს იწყებს. პროექტის ფარგლებში, ასევე, მოეწყობა ამ ბაღებს შორის დამაკავშირებელი საფეხმავლო გვირაბი. რეაბილიტირებულ არეალში კეთილმოეწყობა მხატვრების გამოფენა-გაყიდვისა და ძველებური ნივთებით ვაჭრობის სივრცეებიც, რის შედეგადაც მოგვარდება მრავალწლიანი პრობლემები, რომელიც დისკომფორტს ქმნის თვითდასაქმებულებისთვის, ადგილობრივი მომხმარებლებისა და ტურისტებისთვის.

14.08.2018

    დედაქალაქის მერიისა და თბილისის განვითარების ფონდის პროექტის „ახალი ტფილისი“ ფარგლებში მიმდინარე სამუშაოების დროს, გუდიაშვილის მოედანზე, მორიგი არქეოლოგიური მასალა - სამი ქვევრი და თიხის ჭურჭლის ფრაგმენტები აღმოაჩინეს. აღმოჩენილ ქვევრებს და თიხის ჭურჭლის ფრაგმენტებს საქართველოს კულტურული მემკვიდრეობის დაცვის ეროვნული სააგენტო გამოიკვლევს, რომელიც აღნიშნული სარეაბილიტაციო სამუშაოების არქეოლოგიურ ზედამხედველობას ახორციელებს.

13.08.2018

     დედაქალაქის მერი კახა კალაძე პრემიერ-მინისტრ მამუკა ბახტაძესთან და პარლამენტის თავმჯდომარე ირაკლი კობახიძესთან ერთად, გრიგოლ ორბელიანის სახელობის მოედნის სარეაბილიტაციო სამუშაოებს გაეცნო, რომელსაც თბილისის განვითარების ფონდი პროექტ „ახალი ტფილისის“ ფარგლებში ახორციელებს.

ორბელიანის მოედნის რეაბილიტაცია 18 მისამართზე სარეაბილიტაციო-სარესტავრაციო სამუშაოებს, 150 მანქანაზე გათვლილი მიწისქვეშა ავტოსადგომის მშენებლობასა და დასკვნით ეტაპზე, კეთილმოწყობის სამუშაოებს გულისხმობს.

10.08.2018

 დედაქალაქის მერიისა და თბილისის განვითარების ფონდის პროექტის - „ახალი ტფილისი“ ფარგლებში მიმდინარე სამუშაოების დროს, გუდიაშვილის მოედანზე, მორიგი არქეოლოგიური მასალა - ორი ისტორიული არტეფაქტი აღმოაჩინეს.

TOP